બોલિવૂડ ઈન્ડસ્ટ્રીના સ્ટાર્સ માટે આજનો દિવસ ખૂબ જ ખાસ છે. 68મો ફિલ્મફેર એવોર્ડ 2023 આજે એટલે કે 27મી એપ્રિલે થવા જઈ રહ્યો છે. આ ઈવેન્ટ્સનું આયોજન મુંબઈમાં કરવામાં આવ્યું છે અને સુપરસ્ટાર સલમાન ખાન આ ઈવેન્ટને હોસ્ટ કરવા જઈ રહ્યો છે. જો કે આ વાતનો ખુલાસો પહેલા જ થઈ ગયો હતો કે, આ વખતે સલમાન તેને હોસ્ટ કરશે.
સલમાન ખાને ફિલ્મફેર એવોર્ડ પહેલા એક ફોટો શેર કર્યો છે. આ ફોટો અને તેનું કેપ્શન જોયા બાદ અંદાજ લગાવી શકાય છે કે અભિનેતા ફિલ્મફેરની તૈયારી કરી રહ્યો છે. શેર કરેલા ફોટોમાં સુપરસ્ટારની ખૂબ જ બોલ્ડ સ્ટાઈલ જોવા મળી રહી છે. સલમાન સ્ટેજ પર બંને હાથ પેન્ટના ખિસ્સામાં રાખીને ઉભો જોવા મળે છે.
