ભારતીય મૂળના બ્રિટિશ અભિનેત્રી મીરા સ્યાલને બાફ્ટા ફેલોશિપથી સન્માનિત કરવામાં આવશે. આ કોઈ વ્યક્તિને ફિલ્મ, રમત કે ટેલિવિઝન ક્ષેત્રમાં યોગદાન માટે આપવામાં આવતુ સર્વોચ્ચ સન્માન છે.
સાન્યાને ગુડનેસ ગ્રેશિયસ મી અને ધ કુમાર્સ એટ ન. 42માં તેમના અભિનય માટે ઓળખવામાં આવે છે. એક્ટ્રેસે વર્ષોમાં એક પુરસ્કાર વિજેતા કલાકાર, સ્ક્રિપ્ટ રાઈટર અને નવલકથાકાર તરીકે પોતાની ઓળખ બનાવી છે. મીરાને 14 મે એ રોયલ ફેસ્ટિવલ હોલમાં બાફ્ટા ટેલીવિઝન એવોર્ડથી સન્માનિત કરવામાં આવશે. 61 વર્ષીય મીરા સ્યાલનો જન્મ પંજાબી પરિવારમાં થયો. તેમનો ઉછેર ઈંગ્લેન્ડના વેસ્ટ મિડલેન્ડ્સમાં થયો છે.
બાફ્ટા પહેલા મીરાને નાટક અને સાહિત્યમાં તેમના યોગદાન માટે એમબીઈ અને સબીઈથી સન્માનિત કરવામાં આવી ચૂક્યા છે. આ સન્માન તેમને દિવંગત મહારાણી એલિઝાબેથ દ્વિતીયે આપ્યુ હતુ. બાફ્ટા સન્માનને લઈને મીરા સ્યાલે કહ્યુ, હુ બાફ્ટા ફેલોશિપને લઈને ખૂબ ખુશ છુ અને રોમાંચિત છુ. તેમણે કહ્યુ, મને એ વાતની વિશેષ ખુશી છે કે આ વર્ષના એવોર્ડ સમારોહમાં બાફ્ટાના લર્નિંગ પ્રોગ્રામમાં સહભાગીઓને સલાહ આપવા અને તેમને સહયોગ કરવાની તક પણ જોડાઈ ગઈ છે. હુ આશા કરુ છુ કે અહીં મને ઘણા પ્રતિભાશાળી સહભાગીઓ સાથે જોડાવાની તક મળશે.
મીરા ટૂંક સમયમાં જ બે સિરીઝ- ‘ધ વ્હીલ ઓફ ટાઈમ’ અને ‘મિસેજ સિદ્ધુ ઈન્વેસ્ટિગેટ્સ’ માં જોવા મળશે. મીરા સ્યાલે પોતાના ચાર દાયકાના કરિયરમાં ઘણા આર્ટિસ્ટિક શૈલીઓમાં યુકેની ક્રિએટિવ આર્ટ્સમાં પોતાનો અવાજ આપ્યો છે. આ સિવાય તેમણે પડદા પર ઘણા દમદાર રોલ ભજવ્યા છે અને સાથે જ રેડીયો ડ્રામામાં પણ તેમની ભૂમિકા રહી છે.
