IPL 2023ની 47મી મેચમાં આજે સનરાઈઝર્સ હૈદરાબાદ અને કોલકાતા નાઈટ રાઈડર્સ વચ્ચે રમાશે. આ બંને ટીમો વચ્ચેની મેચ હૈદરાબાદના રાજીવ ગાંધી ઇન્ટરનેશનલ ક્રિકેટ સ્ટેડિયમમાં સાંજે 7.30 વાગ્યે શરુ થશે. બંને ટીમો માટે આ મેચ ખૂબ જ મહત્વપૂર્ણ છે. આજે કોલકાતા આગલી મેચની હારનો બદલો લેવા મેદાનમાં ઉતરશે.
બંને ટીમો માટે આ મેચ મહત્વપૂર્ણ
આ સિઝનમાં કોલકાતાની ટીમ 10મી મેચ રમશે. કોલકાતાએ અત્યાર સુધી રમાયેલી 9 મેચોમાં માત્ર ત્રણ મેચ જીતી શકી છે જ્યારે તે 6 મેચમાં હારનો સામનો કરવો પડ્યો છે. આ કારણે તે પોઈન્ટ ટેબલમાં આઠમાં સ્થાને છે. આ ઉપરાંત સનરાઇઝર્સ હૈદરાબાદની ટીમ 9મી મેચ રમશે. આ સીઝનમાં સનરાઇઝર્સની હાલત ખૂબ જ ખરાબ છે. સનરાઇઝર્સે આ સિઝનમાં માત્ર 3 મેચ જીતી છે. આ સ્થિતિમાં આ મેચ બંને ટીમો માટે ખૂબ જ મહત્વપૂર્ણ છે. સનરાઈઝર્સ હૈદરાબાદ પોઈન્ટ ટેબલમાં નવમાં સ્થાને છે.
હૈદરાબાદની પીચ બેટિંગ માટે અનુકુળ
હૈદરાબાદના રાજીવ ગાંધી સ્ટેડિયમની પીચ અત્યાર સુધી બોલર કરતાં બેટ્સમેનોને વધુ મદદ કરી છે. જો કે શરૂઆતમાં ઝડપી બોલરો તરફથી સ્વિંગ જોવા મળી શકે છે. આજની મેચમાં ચોગ્ગા અને છગ્ગાની રમઝટ જોવા મળી શકે છે. દર્શકોને હાઈ સ્કોરિંગ મેચ જોવા મળી શકે છે. આ મેદાન પર પ્રથમ દાવનો સરેરાશ સ્કોર 140 રન છે. હૈદરાબાદની આ પિચ પર છેલ્લી મેચ સનરાઈઝર્સ અને દિલ્હી કેપિટલ્સ વચ્ચે રમાઈ હતી. આ મેચમાં દિલ્હીએ 20 ઓવરમાં 144 રન બનાવ્યા હતા જેના જવાબમાં સનરાઈઝર્સ ટીમ માત્ર 137 રન બનાવી શકી હતી અને હારી ગઈ હતી.
પ્રથમ બેટિંગ કરનાર ટીમે ચારમાંથી ત્રણ મેચ જીતી
હૈદરાબાદમાં ટોસની ભૂમિકા પણ મહત્વની હોઈ શકે છે. આ સીઝનમાં આ મેદાન પર રમાયેલી ચાર મેચોમાંથી ત્રણ મેચ પ્રથમ બેટિંગ કરનારી ટીમે જીતી છે. જો ટીમ પ્રથમ બેટિંગ કરતી વખતે 150 કરતા વધારે સ્કોર સુધી પહોંચે છે તો તેની જીતવાની તકો વધી જાય છે.
SRH અને KKR વચ્ચે હેડ ટુ હેડ રેકોર્ડ
સનરાઈઝર્સ હૈદરાબાદ અને કોલકાતાની ટીમની IPLમાં કુલ 24 વખત સામસામે ટક્કર થઈ છે. આ બંને વચ્ચે રમાયેલી કુલ મેચમાં કોલકાતાએ 15 મેચ જીતી છે જ્યારે સનરાઇઝર્સ હૈદરાબાદની ટીમ માત્ર 9 મેચ જીતી શકી છે. આ સ્થિતિમાં બંને ટીમો વચ્ચેની આ મેચ ખૂબ જ રોમાંચક રહેવાની સંભાવના છે.
સનરાઇઝર્સ હૈદરાબાદ
અભિષેક શર્મા, મયંક અગ્રવાલ, રાહુલ ત્રિપાઠી, એડન માર્કરામ (C), હેરી બ્રુક, હેનરિક ક્લાસેન (wk), અબ્દુલ સમદ, અકીલ હુસૈન, ભુવનેશ્વર કુમાર, મયંક માર્કંડે અને ઉમરાન મલિક.
કોલકાતા નાઈટ રાઈડર્સ
એન જગદીશન, રહેમાનુલ્લા ગુરબાઝ (wk), વેંકટેશ ઐયર, નીતિશ રાણા (C), રિંકુ સિંહ, આન્દ્રે રસેલ, સુનીલ નારાયણ, ડેવિડ વેઈસ, શાર્દુલ ઠાકુર, હર્ષિત રાણા અને વરુણ ચક્રવર્તી.
