લાંબા સમયથી ચર્ચા હતી કે તે ટૂંક સમયમાં ડાયરેક્ટર તરીકે પોતાના કરિયરની શરૂઆત કરશે અને હવે ફાઈનલી તે સમય આવી ગયો છે. આર્યન પોતાના પહેલા પ્રોજેક્ટને રેડ ચિલીસ એન્ટરટેઈનમેન્ટ હેઠળ બનાવવા જઈ રહ્યો છે.
આર્યન ખાને ડિસેમ્બર 2022માં પોતાના ડાયરેક્ટિંગ કરિયરની શરૂઆત કરવાની જાહેરાત કરી હતી. તેમણે સ્ક્રિપ્ટની એક તસવીર પણ શેર કરી હતી જેની પર તેણે લખ્યુ હતુ, ‘એક્શન કહેવાની રાહ જોઈ શકતો નથી’. હવે ફાઈનલી આર્યન આની પર કામ શરૂ કરવા જઈ રહ્યો છે જેને લઈને તેના ચાહકો પણ ખૂબ એક્સાઈટેડ છે.
રિપોર્ટ અનુસાર આ વેબ-સિરીઝમાં છ એપિસોડ હશે અને તેનુ નામ સ્ટારડમ રાખવામાં આવ્યુ છે. આર્યને બિલાલ સાથે સિરીઝનું સહ-લેખન કર્યુ છે. આ સિરીઝને લઈને વધુ અપડેટની રાહ જોવાઈ રહી છે. હાલ તો આર્યનના આ પ્રોજેક્ટની જાહેરાતે ચાહકોનો ઉત્સાહ વધાર્યો છે કે આખરે આમાં ખાસ શુ હશે. દરમિયાન આર્યન ખાને પોતાની બ્રાન્ડ માટે ડાયરેક્ટર તરીકે પોતાની પહેલી એડ બનાવી, જેમાં તેના પિતા શાહરુખ ખાન પણ જોવા મળ્યા હતા.
