ફિલ્મની રિલીઝ પહેલા દર્શકો તેના માટે ખૂબ જ ઉત્સાહિત છે કારણ કે તેને દુનિયાભરમાંથી જબરદસ્ત પ્રતિસાદ મળી રહ્યો છે. આ ફિલ્મ 5 મેના રોજ સિનેમાઘરોમાં રિલીઝ થવાની છે અને તે પહેલા જ ફિલ્મના નિર્દેશક જેમ્સ ગને કંઈક એવું કહ્યું છે જેનાથી ભારતીય ચાહકો ખૂબ જ ખુશ થઈ ગયા છે.
હોલીવુડ ફિલ્મોના આ દિગ્ગજ દિગ્દર્શકે ભારતીય મીડિયા સાથેની વાતચીતમાં કહ્યું હતું કે તે RRR ફેમ એક્ટર જુનિયર એનટીઆર સાથે કામ કરવા માંગે છે. જેમ્સને પૂછવામાં આવ્યું હતું કે શું કોઈ એવો ભારતીય અભિનેતા છે જેને તે ગાર્ડિયન્સ યુનિવર્સમાં ઈન્ટ્રોડ્યુઝ કરવા માંગે છે? તેના જવાબમાં જેમ્સ ગને કહ્યું કે તેઓ પોતાની ફિલ્મમાં RRRના અભિનેતાને લઈને ખૂબ જ ખુશ થશે જે ઘણા બધા સિંહ અને ચિત્તા સાથે પાંજરામાંથી કૂદી પડે છે. જેમ્સે કહ્યું કે તેને જુનિયર એનટીઆર ખૂબ જ આકર્ષક અને ખૂબ જ કૂલ લાગ્યો હતો.
જેમ્સનું આ નિવેદન એ વાતનો પુરાવો પણ છે કે ભારતીય સિનેમા વૈશ્વિક સ્તરે કેટલી ઝડપથી લોકપ્રિય થઈ રહ્યું છે. તમને જણાવી દઈએ કે એસએસ રાજામૌલીની ફિલ્મ RRR આ વર્ષે ઓસ્કાર જીતી ચૂકી છે. ફિલ્મના ગીત ‘નાટૂ નાટૂ’ને શ્રેષ્ઠ ગીતનો ઓસ્કાર એવોર્ડ મળ્યો છે. જો કે જુનિયર એનટીઆર અને રામ ચરણ સમયની અછતને કારણે આ ઈવેન્ટમાં પરફોર્મ કરી શક્યા ન હતા પરંતુ આ ગીત આજે આખી દુનિયામાં લોકપ્રિય થઈ ચૂક્યું છે.
