IPL 2023માં આજે ડબલ હેડર મેચ રમાશે. આજે લખનઉ સુપર જાયન્ટ્સ અને ચેન્નઈ સુપર કિંગ્સ વચ્ચે મેચ એકાના સ્ટેડિયમમાં ટક્કર થશે. મેચ બપોરે 3.30 વાગ્યે શરુ થશે. આ સીઝનમાં લખનઉની ટીમ પોઈન્ટ ટેબલમાં ત્રીજા અને ચેન્નઈની ટીમ ચોથા સ્થાન પર છે. IPL 2023ની આ 46મી મેચ છે.
IPL 2023માં આજે લખનઉ અગાઉની મેચની હારનો બદલો લેવા ઉતરશે મેદાનમાં જ્યારે ધોનીની ટીમ લખનઉને ઘરમા જ હરાવીને પ્લેઓફમાં પોતાનું સ્થાન મજબૂત કરવા રમશે. આ મેચમાં રાહુલના રમવા અંગે સસ્પેન્સ છે. રાહુલ મંગળવારે ઈજાગ્રસ્ત થયો હતો જેના કારણે તે આ મેચમાં રમવાની સંભાવના ઓછી દેખાઈ રહી છે. આ મેચ બંને ટીમો માટે મહત્વપૂર્ણ છે. આ સીઝનમાં બંને ટીમોએ અત્યાર સુધીમાં 9 મેચ રમી છે જેમા બંને ટીમોએ 5માં જીત અને 4માં હારનો સામનો કરવો પડ્યો છે.
લખનઉના એકાના ક્રિકેટ સ્ટેડિયમમાં બેટ્સમેનો માટે રન બનાવવા સરળ હોતા નથી. છેલ્લી કેટલીક મેચોમાં અહીં વધુ રન બનાવ્યા નથી. અહી લખનઉ અને રોયલ ચેલેન્જર્સ વચ્ચે રમાયેલી મેચ ઓછા સ્કોરિંગ મેચ હતી જે બેંગ્લોરે જીતી હતી. આ પીચ મોટાભાગે સ્પિનરોને અનુકૂળ આવે છે. લખનઉમાં પ્રથમ દાવનો સરેરાશ સ્કોર 147 રન રહ્યો છે. અહીં ટોસ જીતનારી ટીમ પહેલા બેટિંગ લેવાનો નિર્ણય કરી શકે છે.
