વાનખેડે સ્ટેડિયમમાં રમાયેલી IPL 2023ની 42મી મેચમાં મુંબઈ ઈન્ડિયન્સે શાનદાર જીત નોંધાવી હતી. ટીમે રાજસ્થાન રોયલ્સને 6 વિકેટે હરાવ્યું હતું. રસપ્રદ વાત એ છે કે રોહિત શર્માના જન્મદિવસ પર મુંબઈએ આ મેચ જીતી હતી. મુંબઈની જીતમાં ટિમ ડેવિડે મહત્ત્વનો ભાગ ભજવ્યો હતો. તેણે 14 બોલમાં અણનમ 45 રન બનાવીને ટીમને જીત અપાવી હતી. તેના પર પૂર્વ ભારતીય ક્રિકેટર વીરેન્દ્ર સેહવાગે કહ્યું કે ડેવિડે રોહિતને બર્થડે ગિફ્ટ આપી હતી.
Tim David giving Rohit the perfect birthday gift. Astonishing hitting and what a spectacular run chase by the Mumbai Indians. Great to see so many last over finishes this season. #MIvsRR pic.twitter.com/wrc9iqj2YO
— Virender Sehwag (@virendersehwag) April 30, 2023
સેહવાગે ટિમ ડેવિડના વખાણ કર્યા હતા. તેણે ટ્વિટર પર લખ્યું, “ટિમ ડેવિડે રોહિતને જન્મદિવસની સંપૂર્ણ ભેટ આપી. મુંબઈ ઈન્ડિયન્સની રન ચેઝ શાનદાર રહી હતી. આ સિઝનમાં છેલ્લી ઓવરો દરમિયાન ફિનિશિંગ જોઈને આનંદ થયો. મુંબઈ ઈન્ડિયન્સની જીત બાદ રોહિત શર્માએ પોતાના જન્મદિવસ નિમિત્તે કેક કાપી હતી. આ પ્રસંગે મુંબઈના તમામ ખેલાડીઓ અને સપોર્ટ સ્ટાફ હાજર રહ્યો હતો. મુંબઈએ ટ્વિટર પર એક વીડિયો શેર કર્યો છે. આમાં તે કેક કાપતો જોવા મળી રહ્યો છે. આ સાથે મુંબઈના ફેન્સ પોતાની ફેવરિટ ટીમને ચીયર કરતા જોવા મળે છે.
A RO birthday special #MIDaily 👉 https://t.co/NquOjNyCrU
Watch how the heroes from last night’s game were welcomed on the MI App 📲#Hitman10 #OneFamily #MIvRR #MumbaiMeriJaan #MumbaiIndians pic.twitter.com/3duv75p2yf
— Mumbai Indians (@mipaltan) May 1, 2023
ઉલ્લેખનીય છે કે, રાજસ્થાન રોયલ્સે મુંબઈ ઈન્ડિયન્સને 213 રનનો ટાર્ગેટ આપ્યો હતો. જવાબમાં મુંબઈએ 19.3 ઓવરમાં લક્ષ્યાંક હાંસલ કરી લીધો હતો. ટિમ ડેવિડે 14 બોલમાં અણનમ 45 રન બનાવ્યા હતા. તેણે 5 સિક્સર અને 2 ફોર ફટકારી હતી. સૂર્યકુમાર યાદવે 29 બોલમાં 55 રનની શાનદાર ઇનિંગ રમી હતી. તેણે 8 ચોગ્ગા અને 2 છગ્ગા ફટકાર્યા હતા.
