દિવાળીનો તહેવાર ભારતમાં ખૂબ જ ધામધૂમથી ઉજવવામાં આવે છે, તેની સાથે તે વિશ્વના અન્ય દેશોમાં પણ ખૂબ જ લોકપ્રિય છે. બીજી તરફ લોકોના ઉત્સાહને જોતા અમેરિકાના પેન્સિલવેનિયામાં દિવાળીના તહેવાર પર રાજ્યમાં રજા જાહેર કરવામાં આવી છે. જણાવી દઈએ કે વર્ષ 2022માં અમેરિકાના રાષ્ટ્રપતિ જો બાયડેન અને ઉપરાષ્ટ્રપતિ કમલા હેરિસ પણ દિવાળીની ઉજવણી કરતા જોવા મળ્યા હતા. સેનેટર નિકિલ સાવલે ટ્વીટ કરીને દિવાળીની રજા વિશે માહિતી આપી હતી.
આ માટે સેનેટર નિકિલ સવાલે પણ સેનેટર રોથમેનનો આભાર માન્યો હતો. તેમણે કહ્યું કે આ બિલ પાસ કરાવવામાં સેનેટર રોથમેન સાથે જોડાઈને હું સન્માનિત છું. મીડિયા અહેવાલો અનુસાર, પેન્સિલવેનિયાના સેનેટર્સ ગ્રેગ રોથમેન અને નિકિલ સાવલે ફેબ્રુઆરીમાં દિવાળીને રાજ્યની રજા તરીકે જાહેર કરવા માટે એક બિલ રજૂ કર્યું હતું.
