આલિયા ભટ્ટે પોતાની પ્રોડક્શન કંપનીની ફિલ્મ ‘જિગરા’ માટે શૂટિંગ શરુ કરી દીધું છે. આલિયાની પ્રોડયૂસર તરીકે આ બીજી ફિલ્મ ફિલ્મ છે. આ અગાઉ તેણે ‘ડાર્લિંગ’ ફિલ્મ બનાવી હતી.
& we're rolling ..
day one of bringing our jigra to life.. stay tuned as we bring to you a piece of our hearts.. fingers and toes crossed for the journey aheaddddddd ..
love
TEAM JIGRA pic.twitter.com/CB1RXhBxHh
— Alia Bhatt (@aliaa08) October 4, 2023
આલિયાએ સેટ પરથી જાતે જ ફોટા શેર કર્યા હતા. તેમાં તે ફાઈનલ મેક અપ કરાવતી તથા કેટલાક ક્લોઝ અપ આપતી જોવા મળે છે. તેની બહેન શાહીન પણ આ વખતે તેની સાથે હતી.
આલિયાની સાથે અન્ય કોઈ સહકલાકારોના ફોટા જોવા મળ્યા નથી. આ ફિલ્મના અન્ય સહકલાકારોની જાહેરાતની રાહ જોવાઈ રહી છે. પરંતુ, એટલું સ્પષ્ટ છે કે આલિયા પોતે ફિલ્મમાં મુખ્ય ભૂમિકામાં છે.
આ ફિલ્મનું દિગ્દર્શન વાસન બાલા કરી રહ્યો છે. કરણ જોહર આલિયા સાથે સહ નિર્માતા તરીકે છે.
આલિયાએ હજુ થોડા સમય પહેલાં જ આ ફિલ્મ વિશે જાહેરાત કરી હતી. તે પછી તેણે જે ઝડપથી શૂટિંગ શરુ કરી દીધું છે તે પરથી સ્પષ્ટ થાય છે કે ફિલ્મનું પ્રિ પ્રોડક્શન વાસ્તવમાં જાહેરાત પહેલાં જ થઈ ચૂક્યું છે.
આ ફિલ્મ બાદ આલિયા સંજય લીલા ભણશાળીની ‘બૈજુ બાવરા’નું શૂટિંગ શરુ કરી દેશે.
